Овој рецепт се подготвува за помалку од 35 минути

1. На исчистените бамии им се отстрануваат дршките. Се ставаат во вода и оцет, каде што треба да провријат. Потоа се ладат со млаз ладна вода и се оставаат во цедалка.
2. Во другиот сад на меленото месо му се додава сол, парче леб и црн пипер. Смесата се меси и се прават ќофтиња во вид на џамлии што се валкаат во брашно и се пржат. Во истото масло се додава маргаринот, кромидот и морковот и се заедно се пропржува.
3. По 3 минути се додава компирот исечкан на коцки, лукот и доматите. Потоа се додаваат бамиите кои се прелеваат со топла вода, колку да се потопат.
4. Сето ова се посолува и се остава на повисока температура да врие 5 минути.
5. На крај се додаваат ќофтињата и сè заедно врие на тивок оган. По желба се прелеваат со лимонов сок.