За овој рецепт се потребни помалку од 50 минути

Чоколаден слој

1. Од 3 јајца одделете ги жолчките и белките. Со миксер изматете ги белките додека ја добијат потребната густина.
2. Во друг посебен сад пенасто изматете ги жолчките со 1/2 чаша шеќер.
3. Откако добро ќе се соединат и изматат, во садот со жолчки постепено додавајте 1 чаша топла вода и 1 чаша брашно измешано со прашокот за печиво и какаото.
4. Изматете да се соедини смесата, додајте ги изматените белки и измешајте со лажица.
5. Смесата претурете ја во намастена тава со димензии 9х13 и печете 25-30 минути во рерна на 180 степени. Проверете со чепкалка дали е печено – боцнете, ако чепкалката излезе чиста, печено е.

Кремаст слој

1. Од 6 јајца одделете ги белките и жолчките. Жолчките пенасто изматете ги со миксер, па постепено додавајте 1 1/4 чаша млеко и 1 1/2 чаша брашно, па матете додека добиете кремаста смеса.
2. Остатокот од млекото зовријте го во поголемо тенџере на тивок оган.
3. Изматената смеса додајте ја во зовриеното млеко, варете на тивко и мешајте непрекинато со жица додека се згусне смесата, околу 10 минути.
4. Згуснатиот крем оставете го настрана целосно да се олади.
5. Во друг сад изматете ги шеќерот во прав со маргаринот (омекнат на собна температура) додека добиете пенаста смеса.
6. Маргаринот додајте го во оладениот крем од жолчки и добро измешајте со лажица.
7. Смесата додајте ја врз првиот чоколаден слој и добро израмнете со лажица.

Бел слој

1. Останатите белки од јајце (6) изматете ги со миксер додека ја добиете посакуваната густина. Постепено додавајте 1 и пол чаша шеќер и матете непрекинато.
2. Префрлете ги во сад на пареа и гответе 6-7 минути со непрекинато мешање со жица за матење додека шеќерот се растопи и смесата се згусне.
3. Оставете настрана да се излади, па нанесете ја врз вториот слој.

Чоколадна глазура

1. Во мало тенџере растопете 5-6 лажици путер.
2. Тргнете го од оган и додајте го чоколадото искршено на парчиња и малку масло.
3. Мешајте со жица додека чоколадото целосно се растопи.
4. Глазурата прелијте ја врз колачот и оставете да се олади.
5. Потоа колачот исечете го на коцки со топол и исушен нож, па ставете го во фрижидер да се стврдне.