За овој рецепт се потребни помалку од 30 минути

1. Белото чоколадо се топи на пареа со 2 лажици масло.
2. Во силиконските калапчиња за колачи се нанесува тенок слој растопено бело чоколадо со четкичка.
3. Потоа калапчето се става во фрижидер да се стврдне чоколадото.
4. Во тенџере на оган се топи маргаринот, се трга од оган откако ќе се растопи и се додава шеќерот во прав.
5. Се остава сосема малку да се излади, па се додава млекото и непрекинато мешајќи се додаваат кокосот и мелените бисквити.
6. Калапчињата со чоколадото се вадат од фрижидер, се зема од смесата со кокос и бисквити и се полнат до половина.
7. Потоа се става по 1 лешник и повторно се покрива со смеса од кокос и бисквити.
8. Одозгора се премачкува со бело чоколадо и повторно се става во фрижидер да се стегне пред послужување.