За овој рецепт се потребни помалку од 30 минути

1. Во тенџере измешајте ги брашното, нишестето, какаото и шеќерот.
2. Префрлете го тенџерето на рингла, мешајте со жица и постепено додавајте го млекото, не прекинувајте со мешање. Зовријте ја смесата постојано мешајќи.
3. Откако ќе зоврие, додајте го маргаринот или путерот и мешајте додека се растопи, па откако смесата ќе стане густа тргнете од оган и оставете да се олади.
4. На работната маса, ставете големо парче проѕирна фолија. Редете ги бисквитите една по една (наредете 12 бисквити, 3х4). Потоа премачкајте ги со слој од изладениот чоколаден пудинг. Одозгора прекријте со уште еден слој бисквити, па слој чоколадо и слој бисквити само од левата и десната страна.

5. Премачкајте ја средината на редот бисквити со крем и додајте ја бананата исечена на половина. Продолжете со ред чоколадо, ред бисквити од левата и десната страна околу бананата додека состојките не се потрошат. Завршете со ред чоколадо.

6. Така подготвениот десерт, свиткајте го во ролат со помош на фолијата. Оставете го да се стврдне во фрижидер 4-5 часа, најдобро преку ноќ.

7. Потоа извадете го од фрижидер, одозгора прелејте го со чоколадниот пудинг, наросете мелени ореви и пресечете го на парчиња.