За овој рецепт се потребни помалку од 35 минути

1. Кромидот излупете го и исечете го на средни парчиња, а доматот на кругови и ставете ги во посебни чинии.
2. Од меленото месо правете плескавици со средна големина, не многу тенки. Зачинете ги со сол и бибер по вкус.
3. Загрејте ја скарата и печете го месото од двете страни. Ставете го во чинија настрана и покријте го.
4. Потоа ставете ги парчињата кромид и печете ги убаво од сите страни додека да омекнат. Ставете ги настрана во чинија.
5. Лепчињата за бургери потпечете ги малку од двете страни.
6. Плескавиците вратете ги на скара и одозгора ставете ги парчињата кашкавал.
7. Печете ги така додека се растопи кашкавалот, а потоа веднаш во топлите лепчиња ставете плескавица со кашкавал, печен кромид, тркалца домат и сечкана зелена салата.
8. Бургерите послужете ги веднаш.