За овој рецепт се потребни помалку од 40 минути

1. На тивок оган прво се топи маргаринот, па се додаваат чоколадото искршено на коцки и шеќерот во прав.
2. Се мати додека се соединат сите состојки, потоа тенџерето се трга од оган и во него се додаваат јајцата едно по едно.
3. Кога ќе се ставаат јајцата смесата мора да биде многу топла, а на крај се додаваат 2 лажици лебни трошки.
4. Калапот во кој ќе се пече тортата се премачкува со маргарин и се посипува со остатокот од лебните трошки.
5. Тортата се става во рерната (претходно загреана добро на 180 степени) и се пече 20-30 минути.
6. Откако ќе се испече, се вади од рерна и се посипува со шеќер во прав или може по желба со кокос, мелени ореви или чоколадни трошки.