За овој рецепт се потребни помалку од 70 минути

1. За оваа чорба потребни се околу 30 полжави со сосема отворена лушпа. За полесно да се извадат од лушпата, потребно е да се варат околу 20 минути.
2. Сварените полжави се вадат од тенџерето, потоа со вилушка се вадат од лушпите и им се сечат опашките и главите.
3. Месото од полжави се сечка на ситни парчиња.
4. Во сад се става околу 50 грама масло, па кога ќе се загрее се додаваат полжавите, малку се пропржуваат и се досипува 1,5 литар вода.
5. Се додава малку ситен бибер, сол и ситно сечкан магдонос.
6. Садот се поклопува и чорбата се вари половина час, па се трга на страна кога е готова и се зачинува на крај со сок од лимон.