За овој рецепт се потребни помалку од 3 часа

1. Измешајте ги сите состојки и додајте до 1 чаша топла вода (или помалку) за да замесите меко тесто.
2. Тестото замесете го во топка и ставете го во сад, покријте го со фолија и оставете го да стасува 1-2 часа или додека не нарасне дупло.
3. Поделете го тестото на 8 еднакви парчиња и формирајте топки со големина од околу 7-8 см. Наредете ги врз намастен плех, покријте ги со фолија и оставете ги да стасаат 1 час.
4. Потоа растопете малку путер (1-3 лажици) и премачкајте ги топчињата тесто.
5. Врз пола од топчињата наросете сусам и ставете ги во загреана рерна на 190 степени да се печат 15-18 минути додека убаво не заруменат.
6. Потоа извадете ги од рерна и премачкајте ги со останатиот растопен путер и оставете ги да се оладат.

*Предлог за хамбургер: телешки плескавици премачкајте ги со масло и печете ги на загреана скара од двете страни (по од околу 3 минути од секоја страна). Зачинете ги со сол и бибер. Лепињата исечете ги на пола и премачкајте ги со мешавина од 1 лажичка сенф и 2 лажици мајонез, ставете по еден лист марула, па пржена плескавица. Ставете сечкани кисели краставички, покријте ги со парче топен кашкавал и премачкајте ги со 1 лажица кечап. На крајот ставете прстени од кромид и преклопете ги со втората половина од лепињите.