За подготовка на овој рецепт се потребни помалку од 60 минути

1. Доматите измијте ги, извадете ги дршките и прелијте ги со зовриена вода. Потоа излупете ги  и исечете ги на крупни делови – на половини или четвртини.
2. Белиот лук излупете го и исечете го на половина, а босилекот измијте го и ситно исечкајте го.
3. Доматите, лукот и босилекот измешајте ги и распоредете ги во чисти тегли.
4. Во литар и пол вода додајте сол, шеќер и бибер и варете 10 минути. Содржината прелијте ја во теглите со зеленчук и затворете ги добро.
5. Во подлабока тепсија ставете малку вода и ставете ги затворените тегли со домати, босилек и лук, а потоа стерилизирајте ги во загреана рерна на 90 степени околу половина час.
6. Готовиот домат со лук и босилек оставете го да се олади преку ноќ и послужете го.