За овој рецепт се потребни помалку од 50 минути

1. Супата и оризот варете ги во тенџере на оган додека омекне оризот.
2. Во сад измешајте матени јајца и брашно со жица за матење, убаво соединете и додајте го јогуртот. Повторно промешајте и додајте 1-2 лажици вода за малку да ја разредите смесата.
3. Смесата со јогурт варете ја во тенџере на тивок оган 15-тина минути и мешајте.
4. Потоа постепено со мешање додавајте ги оризот и супата во смесата со јогурт. Продолжете да мешате и кога ќе зоврие чорбата, намалете го огнот на минимум и варете 10-15 минути.
5. Путерот растопете го и додајте го нането. Мешајте половина минута, внимавајќи да не изгори, а потоа прелијте го врз готовата чорба.