Овој рецепт се подготвува за помалку од 50 минути

1. Доматите ставете ги кратко време во врела вода, па излупете ги, исчистете ги од семките и исечете ги на ситни парчиња.
2. Сомелете го месото, па соберете го во еден сад и измешајте го со исечканиот магдонос и лук, јајцето и кашкавалот. Посолете го и попиперете го, па од смесата направете мали ќофтиња.
3. Набрашнете ги ќофтињата.
4. Исчистете го зеленчукот, исечкајте го и пржете го на растопениот путер, на тивок оган 5 минути.
5. Потоа заголемете ја температурата, додајте ги ќофтињата и пржете ги 4-5 минути.
6. Потоа додајте ги доматите и супата, па оставете ги да зовријат.
7. Поклопете го садот и варете ги 30 минути на тивок оган, мешајќи ги повремено. Сервирајте ги ќофтињата полеани со својот сос.