За овој рецепт се потребни помалку од 30 минути

1. Путерот (претходно изваден од фрижидер да омекне на собна температура и исечкан на коцки) и шеќерот изматете ги пенасто со миксер додека добиете хомоген крем.
2. Во друг сад со виљушка малку измешајте го јајцето со ванилиниот шеќер и додајте ги кај путерот.
3. Во садот со путерот додајте го брашното измешано со печивото, ѓумбирот во прав и прстофат сол.
4. Добро измешајте ја смесата, па додајте чоколадо, исечкано на коцки и повторно соединете.
5. Во плех врз намастена хартија за печење или без хартија, но намастен и набрашнет плех, распоредете од смесата, така што со лажица ќе земете и ќе ги ставате врз хартијата да добиете мали кругови.
6. Печете ги колачињата во претходно загреана рерна на 180 степени околу 10-тина минути.
7. Пред сервирање оставете ги да се оладат.