За овој рецепт се потребни помалку од 100 минути

Пандишпан

1. Од 5 јајца одделете ги белките од жолчките. Со миксер изматете ги белките додека ја добијат потребната цврстина.
2. Во садот со жолчките додајте го шеќерот и матете со миксер да се растопи.
3. Во садот со какаото додајте 150 мл топла вода, промешајте и додајте го размешаното какао во садот со жолчките. Матете со миксер да се соедини смесата.
4. Додајте ги прашокот за печиво и 200 г брашно и мешајте.
5. Додајте ги и изматените белки и мешајте додека се соедини смесата.
6. Ставете ја смесата во правоаголна тава за печење обложена со хартија.
7. Тавата ставете ја во рерна и печете 30 минути на 200 степени.

Фил

1. Во тенџере на оган ставете ги млекото, 180 г брашно, ванилиниот шеќер и сокот од лимон.
2. Од останатите 6 јајца одделете ги белките од жолчките, белките ставете ги во длабок сад, а жолчките додајте ги во тенџерето на оган.
3. Мешајте со жица за матење додека кремот да ја добие потребната густина.
4. Во друг сад со миксер пенасто изматете ги маргаринот и шеќерот во прав, па додајте ги во изладениот крем и матете со миксерот додека смесата се соедини.

Финална постапка

1. Тавата со испечениот пандишпан извадете ја од рерна и премачкајте го пандишпанот со фил.
2. Потоа одозгора истурете го чоколадото претходно растопено во тенџере на оган со лажица масло.
3. Колачот оставете го во фрижидер да се олади и стврдне, па пресечете на коцки.