За овој рецепт се потребни помалку од 35 минути

1. Се чистат вишните од семките и се ставаат во цедалка.
2. Маргаринот и шеќерот се матат со миксер, се додаваат солта, ванилиниот шеќер и кората од лимон. Може да додадете и ликер од вишни по желба.
3. Постепено се додаваат јајцата и се мати додека се изедначи смесата.
4. Од брашното се одделува 1 лажица, а останатото се додава во кремот заедно со печивото и добро се промешува. Се добива потврда смеса.
5. Лажицата брашно се става во плитка чинија и во него се валкаат вишните, потоа се додаваат во тестото и се промешува.
6. Тестото се става во калапи обложени со хартиени кошнички и се пече 25 минути на 180°C во загреана рерна.
7. Кога ќе се изладат, мафините се декорираат со шлаг и со вишни по желба.