За подготовка на овој рецепт се потребни помалку од 50 минути

1. Во еден сад ставете ги млекото, маслото, јајцето и белката. Додајте ги квасецот и шеќерот и брашно по потреба. Месете додека да добиете средно меко тесто, па оставете го да стаса.
2. Потоа тестото поделете го на четири дела и од секој дел расукајте кора. Филувајте ја по желба со мармалад и ореви или со афион попарен со млеко.
3. Завиткајте ролат и ставете го во намастен плех и оставете да стаса уште еднаш.
4. Премачкајте ги ролатите со жолчка и ставете да се печат во рерна загреана на 200°C. По потреба пред крај покријте со алуминиумска фолија да не ви изгори одозгора.