За овој рецепт се потребни помалку од 60 минути

1. Квасецот изронете го и додајте го во тенџере со млако млеко. Мешајте го со жица да се растопи.
2. Жолчките од јајца измешајте ги со брашното, солта и сечканиот омекнат маргарин.
3. Додајте ги млекото со растопениот квасец и маслото, па замесете тесто и оставете го да стасува 30-тина минути.
4. Потоа од тестото расукајте кора на набрашнета работна површина со дебелина од 7-8 мм.
5. Со калап од кората вадете ги переците и редете ги во плех обложен со хартија за печење.
6. Ако немате калапчиња, тогаш откинете мал дел од тестото, свиткајте го како долг ролат и рачно формирајте перечиња.
7. Белките изматете ги со виљушка, премачкајте ги переците и наросете ги со сусам или со крупна сол.
8. Печете ги во рерна на 180 степени околу 15 минути или додека добијат убава румена боја.