За овој рецепт се потребни помалку од 35 минути

1. Излупете ја тиквата и извадете ѝ ги семките. Потоа исечете ја на парчиња од околу 1 см и ставете ги парчињата врз тава претходно покриена со хартија за печење.
2. Покријте ја тиквата со уште еден слој хартија за печење и печете ја на 180°C околу 20-тина минути.
3. Оставете ја настрана да се излади и потоа испасирајте ја со вилушка во пире или изблендирајте ја. Тиквата треба да содржи што помалку вода, во спротивно ќе ви биде потребно многу повеќе брашно за подготовка на њоките. Затоа повторно ставете го пирето од тиква врз хартија за печење во тава и печете го на 110°C додека убаво се исуши.
4. Направете вдлабнатина во брашното и во средината ставете го пирето од тиква, па убаво замесете тесто со дланките. Откако ќе почне да се формира смесата, додајте го јајцето и повторно месете. Убаво изработете го со дланките за да не се лепи: доколку е влажно, ставете уште малку брашно, но не претерувајте. Ако ставите премногу брашно, њоките ќе бидат тврди и помалку ќе го осеќате вкусот на тиквата.
5. Потоа започнете со формирање на њоките: тестото се дели на повеќе топчиња, а топчињата се сукаат во долги стапчиња и се сечкаат. Должината на њоките е по желба, околу 3-4 сантиметри.
6. Зовријте вода во тенџере, додајте сол и ставете ги њоките да се варат во зовриената вода околу 3 минути. Почнете да ги вадите од водата со решеткаста лажица кога ќе почнат да пловат на површината.
7. Ставете ги њоките во тенџере, додајте путер и жалфија, зачинете ги со сол и бибер, наросете пармезан и послужете ги.