За овој рецепт се потребни помалку од 45 минути

1. Најпрво исчистете го октоподот на следниот начин: исплакнете го под млаз ладна вода, префрлете го на чиста работна површина и исушете го со кујнска крпа. Потоа ставете го врз даска за сечење и со нож исечете ја главата по должина на очите за да ги отстраните; отстранете ја и устата со нож.
2. Потоа месото од октоподот исчукајте го со кујнски чекан, па повторно исплакнете го под млаз ладна вода.
3. Морковот излупете го и потоа заедно со целерот исечкајте ги на кругови.
4. Во тенџере на оган ставете вода и додајте ги зеленчуците, ловоровиот лист, лукот, сол, бибер.
5. Кога водата во тенџерето ќе зоврие, додајте го исчистениот октопод и варете го со покриен капак 30-35 минути на многу тивок оган.
6. Сварениот октопод исечкајте го, па во сад измешајте го со сечканиот магдонос, масло, сол и лимонов сок.