За овој рецепт се потребни помалку од 50 минути

1. Измешајте ги брашното, солта и маслата. Додајте ја топлата вода и мешајте ја смесата, па замесете меко тесто. По потреба додавајте уште топла вода. Оставете го да отстои 30 минути.
2. Во меѓувреме исечкајте го младиот кромид и измешајте го со 1/2 лажичка сол и со 1 лажичка масло од сусам (или билно масло).
3. Тестото ставете го врз набрашнета површина и поделете го на 8 еднакви дела.
4. Секое од деловите расукајте ги во кружна кора (20 см) и одозгора наросете ги со смесата од млад кромид.
5. Потоа свиткајте ги корите во ролати, па во полжав.

6. На набрашнета површина расукајте ги полжавите во форма на палачинки и оставете ги настрана.

7. Во голема тава на умерен оган загрејте неколку лажички масло и пржете ги палачинките по 2 минути од секоја страна или додека добијат златнокафена боја.

8. Така испржените палачинки ставете ги врз салфетки за да се исцедат од вишокот маснотија и сервирајте ги веднаш со соја сос или павлака.