За овој рецепт се потребни помалку од 60 минути

1. Се замесува тесто од брашното, солта, квасецот и млака вода, па откако добро ќе се измеси, се дели на шест топчиња.
2. Топчињата тесто се оставаат да стасаат.
3. Откако ќе стасаат, се развлекуваат како чамец со тоа што краевите ќе им бидат малку поткренати.
4. Така приготвените парчиња тесто се редат на тепсија подмачкана со масло.
5. Бифтекот се сечка на ситни коцкички, се зачинува со сите зачини и потоа се става врз пастрмајлиите.
6. Врз бифтекот потоа се става насекаде по малку свинска маст.
7. Така приготвените пастрмајлии се печат во загреана рерна на 250 степени, околу 15 минути.
8. Врз пастрмајлиите се полеваат изматените јајца со малку сол, па се враќаат во рерната да се допечат.