За подготовка на овој рецепт се потребни помалку од 120 минути

1. Отсечете им ги краевите на зрелите шипки и убаво измијте ги во поголемо количество на вода.
2. Потоа ставете ги на оган во тенџере со вода и варете ги додека не омекнат.
3. Откако ќе омекнат шипките, тргнете ги настрана и оставете ги да се оладат.
4. Потоа пропасирајте ги и исцедете ги низ многу ситна цедалка.
5. На процедената шипка ѝ се додава толку вода колку да се добие густина како мед. Измерете ја целата течност за да знаете колку шеќер да додадете (на 1 килограм течност се става 500 грама шеќер), па продолжете да готвите.
6. Кога количината на течност ќе се намали за 1/3, тогаш додајте го потребното количество шеќер.
7. Проверете дали е готов со тоа што ќе ставите лажичка од врелиот пекмез на чинија и ако фати коричка кога ќе се олади – тогаш пекмезот е готов.
8. Ставете го врелиот пекмез во чисти, загреани тегли и затворете го со целофан или пергамент хартија.