За подготовка на овој рецепт се потребни помалку од 70 минути

1. Од брашното, компирот (претходно сварен и испасиран), солта, жолчките, квасецот и од топлото млеко замесете тесто и оставете го настрана да отстои.
2. Во меѓувреме подгответе го филот: шунката, сирењето и кашкавалот исечкајте ги на ситни коцки, зачинете со бибер и сол, додајте исечкан магдонос и павлака. Соединете ја смесата.
3. Тестото расукајте го и сечете го на правоаголници. На средина од секој правоаголник по должина ставете од филот и обликувајте ги пирошките.
4. Пирошките пржете ги во загреано масло од двете страни додека убаво заруменат, а потоа редете ги на салфетка за да впие од вишокот маснотија.
5. Пирошките се послужуваат топли со доматен сос и магдонос, со павлака и кисели краставички или со сос по желба.