Овој рецепт се подготвува за помалку од 60 минути

1. Главицата кромид ситно ја сечкаме и ја пржиме на загреано масло во тава на оган.
2. Пилешкото месо го сечкаме на ситни коцки, го додаваме во тавата и промешуваме. Откако кромидот и месото ќе се испржат зачинуваме со сол и бибер и промешуваме.
3. Компирите ги сечкаме на парчиња и ги вариме во тенџере со зовриена вода на оган. Ги цедиме во цедалка, ги ставаме во длабок сад и матиме со миксер. Го додаваме путерот и матиме со миксерот додека не се растопи.
4. Кршиме 3 јајца, белките ги ставаме во сад за матење, а жолчките ги додаваме во садот со пирето. Го додаваме брашното и матиме со миксер.
5. Белките ги посолуваме и матиме со миксер. Ги додаваме во садот со пирето и матиме со миксерот додека смесата не се соедини. Половина од смесата нанесуваме во правоаголна тава обложена со намрсена хартија. Врз неа го нанесуваме филот од бело месо. Прекриваме со преостанатата смеса од компири.
6. Во длабок сад со жица ги матиме преостанатите 2 јајца. Ја додаваме павлаката и мешаме додека не се соединат.
7. Ја премачкуваме питата со мешавина од јајца и павлака. Тавата ја ставаме во рерна, печеме 30 минути на 200 степени и ја вадиме од рерна.