За овој рецепт се потребни помалку од 45 минути

1. Кромидот се сечка и се пржи со една чаша вода и со малку масло додека да омекне.
2. Потоа се додаваат сечканите печурки, вегетата и биберот.
3. Готовите кори се редат една по една, се попрскуваат со киселата вода и маслото кои претходно е потребно да ги растворите во чаша. На секоја трета кора се нанесува од филот со печурки и кромид.
4. Откако ќе се наредат корите, питата се сече на коцки или на баклави по желба.
5. Во еден сад се става масло да зоврие на оган и со него се преливаат корите.
6. На крај врз корите се истура една чаша кисела вода во која претходно е додадено едно ќесиче прашак за печиво.
7. Така приготвената пита се остава да отстои 15-20 минути и потоа се пече. Се служи и топла и изладена.