За овој рецепт се потребни помалку од 80 минути

1. Во длабок сад ставете ги брашното, шеќерот и едно јајце, па посолете.
2. Додајте го изронетиот квасец и млекото и со рака замесете тесто кое ќе го оставите да стасува 30 минути.
3. Круговите шунка исечкајте ги на коцки, а во длабок сад со виљушка издробете го сирењето.
4. Преостанатото јајце искршете го, белката додајте ја во садот со сирењето, а жолчката ставете ја во друг длабок сад.
5. Во садот со сирењето додајте ги парчињата шунка и кечапот и измешајте.
6. Стасаното тесто размесете го на набрашнета површина, поделете го на 4 еднакви дела и од секое парче тесто формирајте долгнавеста форма.
7. Формите исечете ги на 5 еднакви дела и од секое парче формирајте топче.
8. Првото топче расукајте го и на повеќе места засечете го едниот крај на кората.
9. На средината нанесете од филот и од незасечениот крај на кората почнете да ја виткате кифлата.
10. На истиот начин формирајте ги сите кифли.
11. Наредете ги во тава обложена со хартија за печење, премачкајте ги со жолчка, наросете сусам и печете ги во рерна на 190 степени околу 30 минути.