За подготовка на овој рецепт се потребни помалку од 30 минути

1. Скинете ги рачките на печурките (употребете поголеми печурки) и ситно исечкајте ги.
2. Младиот кромид и лукот исечкајте ги и пржете ги во малку масло да замирисаат убаво. Додајте ги исечканите рачки на печурките и динстајте додека не испари вишокот течност.
3. Измијте ги листовите спанаќ и исечете ги на ленти. Додајте ги на крај и динстајте уште малку. Зачинете по вкус.
4. Ставете ги капите од печурките во плех за печење и наполнете ги со приготвениот фил. Прелијте ги со малку масло и ставете ги да се печат во загреана рерна на 200 степени, околу 20 минути.