За овој рецепт се потребни помалку од 45 минути

1. Спанаќот обарете го и исечкајте го на ситни парчиња.
2. Изматете ги јајцата, па додајте ги маслото, млекото, павлаката и посолете по вкус (ако ставите и сирење во пројата, не додавајте сол).
3. Белото брашно измешајте го со пченкарното и со печивото. Потоа додајте го во смесата со матените јајца и миксирајте додека се соединат состојките.
4. Додајте ги сирењето (по желба) и спанаќот и мешајте со вилушка за да се распоредат состојките.
5. Калапите за мафини премачкајте ги со масло и посипете брашно, па сипете од смесата. Наросете сусам одозгора, може и семки од тиква, и печете ги во рерна на 250 степени, околу 25 минути додека да заруменат.