За овој рецепт се потребни помалку од 50 минути

1. Во подлабок сад изматете ги јајцата со жица за матење, па додајте ги јогуртот, маслото и киселата вода и промешајте.
2. Постепено додавајте ги белото и пченкарното брашно. Додајте го и прашакот за печиво и целата смеса измесете ја со рака додека да стане хомогена.
3. Накрај ги додаваме сирењето (кое претходно сме го изрендале), сечканите маслинки и сечканиот магдонос.
4. Целата смеса ја ставаме во тавче подмачкано со путер. Ја загреваме рерната на 250 степени и ја ставаме пројата да се пече. Температурата се намалува на 220 степени, се пече околу половина час или додека зарумени.
5. Готовата проја се сервира со павлака и со магдонос.