Овој рецепт се подготвува за помалку од 20 минути

1. Најпрвин убаво измешајте ги обичното брашно и пченкарното брашно.
2. Додајте две лажици од пире во прав.
3. Зачинете малку со лут црвен пипер и сето тоа промешајте го убаво. Полека додавајте ја киселата вода и мешајте додека не добиете хомогена смеса.
4. Во друг сад ставете ја презлата.
5. Земете кромид и исечете го на кришки не подебели од 1 центиметар и одвојте ги кришките на прстени.
6. Со помош на вилушка, ставете ги прстените од кромид во садот со смесата што најпрвин ја направивте и убаво покријте ги со смеса да бидат целосно премачкани, па потоа со помош на друга вилушка тркалајте ги во презлата.
7. Во тава загрејте масло и пржете ги прстените 2-3 минути. Откако ќе бидат готови оставете ги на салфетка малку да се исцедат, зачинете со сол и вкусете.