За подготовка на овој рецепт се потребни помалку од 40 минути

1. Пиперките избодете ги со игла за да се исцеди водата, а потоа испржете ги на врело масло.
2. Додека се ладат, пригответе го преливот од исечканиот лук, рен исечкан на кругови, целер, магдонос, црн пипер и сол. Сите состојки убаво измешајте ги.
3. Кога ќе се оладат пржените пиперки, редете ги во чисти тегли така што да има по четири реда пиперки и еден дел од измешаната смеса, но не ги полнете до врвот на теглата, туку оставете простор.
4. Така подготвените пиперки, прелијте ги одозгора со оцет и затворете ги теглите.