За овој рецепт се потребни помалку од 20 минути

1. Во сад измешајте ги маслиновото масло, сок од 1 зелен лимон, 1 чешне ситно исечкан лук, кумин, чили во прав, црниот грав од конзерва и пченката. Додајте сол и бибер по вкус и оставете во фрижидер.
2. Пилешкото месо маринирајте го во сосот за скара околу 6 часа, а потоа печете го на скара и оставете го да се олади. Пилешкото месо може да биде направено претходно и оставено во фрижидер.
3. За преливот на салатата: измешајте ги мајонезот, павлаката, млекото, ситно исечканиот коријандер, 2 лажици сок од зелен лимон, оцетот, шеќерот, чешнето лук-ситно исечкано или сомелено, 1/2 лажичка сол, бибер по вкус, уште малку кумин и сос за скара. Состојките за преливот може да ги изблендирате за да добиете похомогена смеса. Ставете го во фрижидер малку да отстои.
4. Исечкајте ја марулата и измешајте ја со смесата од црн грав и пченка. Додајте го исечканото месо и полијте ја салатата со преливот.