За овој рецепт се потребни помалку од 35 минути

1. Најпрво убаво измијте ги јаболчињата и добро избришете ги со крпа.
2. Потоа извадете им ги рачките и на тоа место забодете им по едно дрвено стапче (за ражничи) со остриот крај насочен кон јаболкото.
3. Во тенџере на оган ставете ги водата и шеќерот да зовријат, па додајте ги и преостанатите состојки и варете 10-15 минути.
4. Со лажичето капнете од смесата во ладна вода, па ако веднаш се карамелизира и не е меко, значи дека е готово. Постапката треба да ја изведете брзо за да не ви се стегне карамелот предвреме.
5. Во жешкиот сируп потопете ги јаболките убаво од сите страни, малку протресете да падне вишокот и ставете ги на тепсија со намастена хартија за печење за да се исушат.