За овој рецепт се потребни помалку од 35 минути

1. Во длабок сад ги ставаме киселото млеко, брашното, маслото, солта и печивото. Мешаме со лажица и потоа со рака за да се формира ретко тесто кое не лепи на рацете.
2. Со намастени раце со масло се формираат топчиња со големина на ќофте и се редат во правоаголен сад намастен со масло за јадење.
3. Во секое топче се прави вдлабнатина со показалецот и во неа се става по една мала лажичка од филот. Филот се прави од 1 јајце матено со дробеното сирење и малку црн бибер. Одозгора секое парче се наросува со малку ким.
4. Се печат на температура од 180 степени околу 20 минути. Се сервираат со 4 гнезда декорирани со 2 лажици павлака.