За овој рецепт се потребни помалку од 25 минути

1. Во тенџере на оган ставете ги водата и шеќерот и мешајте додека шеќерот се растопи за да добиете смеса како сируп. Оставете да се олади.
2. Црешите измијте ги и исчистете ги од семките и дршките, ставете ги во блендер заедно со 3/4 од сирупот и со сокот од лимон и блендирајте додека добиете хомогена смеса.
3. Добиената смеса процедете ја за да ги отстраните лушпите од овошјето и да добиете само течна смеса.
4. Ставете во пластичен сад и во замрзнувач.
5. Откако ќе се замрзне смесата, со лажица измешајте и искршете го мразот што се создал при замрзнувањето.

6. Останатиот дел од сирупот ставете го во тенџере на оган.

7. Потоа ставете го во сад и додајте ја белката. Матете со миксер подолго, додека се олади смесата и додека добиете цврст снег.

8. Потоа додајте го замрзнатото овошје и измешајте го со добиениот шлаг.

9. Ставете го сорбетот во фрижидер уште 2 часа. Потоа послужете го и декорирајте со свежи цреши.