За овој рецепт се потребни помалку од 60 минути

1. Се вари една телешка кременадла, а кога добро ќе се свари, се чисти месото од коската и ситно исцепкано се враќа во тенџерето.
2. Во друг сад се пропржува една ситно сечкана главица кромид и се додава во тенџерето со чорбата.
3. Потоа се додава ситно сечкан мешан зеленчук (морков, целер, пашканат,пченка, грашок, боранија) како и една телешка коцка за супа.
4. Се додава и црн пипер и сето ова се остава да се вари околу 30-тина минути.
5. Некаде пред крајот се мати 1 лажица брашно со малку вода и се додава во чорбата, а по желба може да се додаде и ситно сечкан магдонос.