За овој рецепт се потребни помалку од 70 минути

1. Компирот се лупи и се сече на тенки парчиња, исто така и тиквичките, па се посолуваат.
2. Кромидот се сечка ситно и се динста во масло, се додава доматот исечен на коцки, шеќерот, босилекот, сувиот зачин и магдоносот. Потоа се додава просото и се динста уште 15-тина минути со додавање вода.
3. Огноотпорен сад се премачкува со масло, се редат тиквичките, се премачкуваат со малку фил од просото, се редат компири и повторно се нанесува фил. Се завршува со тиквички.
4. Во 5 дл вода се разматува лажица вегета, па се истура врз јадењето.
5. Се пече во загреана рерна на 250 степени додека зарумени. На крај се прелива со изматени јајца и млеко, па се враќа во рерна да се запече. Сервирајте го јадењето со лути пиперчиња.