За овој рецепт се потребни помалку од 30 минути

1. Кромидот ситно исечкајте го, а пиперката и краставичките исечете ги на коцки. Доматите исечете ги на кругови, кашкавалот на тенки листови, а туната исцедете ја.
2. Во сад соединете ја туната со кромидот, краставичките, пиперката и мајонезот. Добро измешајте и посолете по вкус.
3. Лебот наредете го во плех врз хартија за печење, филувајте го со смесата, а одозгора наредете ги доматите.
4. Врз доматите ставете го кашкавалот, посипете со сусам и печете ги лепчињата во рерна на 200 степени, 15 минути. По желба сервирајте ги со кисела павлака.