За овој рецепт се потребни помалку од 40 минути

1. Ставете го желатинот во ладна вода 10-тина минути.
2. Во меѓувреме убаво исцедете ја туната и раздробете ја со виљушка. Ставете ја во миксер и матете ја додека добиете хомогена крема.
3. Добро исцедете ги листовите од желатин, ставете ги во сад со 2 лажици вино и оставете ги на тивок оган да се растопат.
4. Компирите сварете ги, па исцедете ги, излупете ги и испасирајте ги. Измешајте ги со кремот од туна заедно со растопениот желатин, посолете ги и наросете ги со бибер и лажичка сечкан магдонос.
5. Смесата префрлете ја врз масна хартија и со помош на хартијата свиткајте ролат. Заврзете ја хартијата на краевите и оставете ја смесата да отстои 3-4 часа во фрижидер.
6. Исечете парчиња од ролатот и декорирајте ги со магдонос по желба.