За овој рецепт се потребни помалку од 20 минути

1. Исчистете ја боранијата, измијте ја и поделете ја на поголеми парчиња. Ставете ја во поголемо количество зовриена и посолена вода, па варете ја 3-4 минути.
2. Сланината исечете ја на тенки ленти и пржете ја во тефлонска тава без да додавате маснотија, додека зарумени и стане крцкава. Често вртете ја.
3. Додајте ја исцедената боранија во тавата и пржете ја неколку минути. Додајте бибер и потоа тргнете ги во чинија настрана на топло место.
4. Путерот растопете го во поголема тава, па на него испржете јајца на око без премногу да се стврднат жолчките. Додајте им сол и бибер по вкус.
5. Кришките леб исечете ги на триаголници и потпечете ги во тостер.
6. Поделете ги во 4 чинии, врз нив ставете по едно јајце на око и боранија со сланина. Сервирајте ги веднаш.