За подготовка на овој рецепт се потребни помалку од 50 минути

1. Модрите патлиџани исчистете ги, исечете им ги дршките, измијте ги добро и засечете ги на 3-4 места во вид на резенка, но не докрај.
2. Ставете во еден поголем сад вода и обарете ги модрите патлиџани. Барете ги околу 15 минути.
3. Извадете ги од вода со решеткава лажица, ставете ги на штица и покријте ги со друга штица врз која ќе ставите нешто тешко за да се исцедат од водата. Така оставете ги патлиџаните да отстојат преку ноќ.
4. Исечкајте ги на парчиња пиперките, магдоносот, целерот и лукот и ставете ги во сад. Посолете ги и оставете ги да отстојат 20-30 минути.
5. Со подготвениот фил од пиперки полнете ги модрите патлиџани, а за да не се растури филот, секој патлиџан заврзете го со дршка од целер.
6. Редете ги во тегла и налејте ги со разблажен оцет, заврзете ги и оставете ги до употребата.