За овој рецепт се потребни помалку од 70 минути

1. Вишните добро измијте ги и исчистете ги од семки.
2. Потоа во тенџере ставете ред вишни, посипете ги со шеќер и лимонтус (дозата е 3 грама лимонтус на 1 килограм шеќер), па повторно така додека ги потрошите состојките.
3. Оставете ги вишните да отстојат преку ноќ. Ќе пуштат од сокот – не ги цедете.
4. Утредента ставете го тенџерето на силен оган, па кога ќе зоврие смесата намалете ја температурата и варете го слаткото околу 30-45 минути.
5. Не го мешајте, само протресувајте го тенџерето и отстранувајте ја пената од површината на слаткото со лажица. Проверете дали е варено – капнете на стаклена чинија, треба да биде густо како мед, варете повеќе за потребната густина.
6. Вареното слатко претурете го додека е топло во чисти, стерилизирани тегли: може да ги стерилизирате теглите со тоа што ќе ги ставите во зовриена вода во тенџере, па добро ќе ги исушите или во рерна на 200 степени да се загреат околу 5 минути.