За овој рецепт се потребни помалку од 30 минути

1. Шеќерот ставете го во тенџере на оган со 150 мл вода. Варете го додека да се растопи со постојано мешање.
2. Потоа во него ставете го маргаринот и варете додека да се растопи, па додајте ги мелените бисквити и мелените ореви. Сето тоа добро измешајте го и соединете го, тргнете од оган и поделете ја смесата на два дела.
3. Во едниот дел додајте го растопеното чоколадо, добро промешајте, па расукајте во кора. Кората ставете ја во соодветен калап.
4. Врз расуканата кора распоредете ја смесата без чоколадо, а одозгора бајадерата премачкајте ја со глазура од чоколадо.
5. Откако глазурата ќе се стегне, бајадерата исечете ја на парчиња и послужете ја. Откако ќе се олади, може да ја ставите и во фрижидер за побрзо да се стегне.