Овој рецепт се подготвува за помалку од 50 минути

1. На оган ставаме 800 мл од млекото, од кое тргаме на страна 200 мл за да ги раствориме пудинзите и за да ги потопиме бисквитите.
2. Во млекото додаваме 10 лажици шеќер, посебно ги размешуваме пудинзите во ладното млеко, ги додаваме трите жолчки и убаво разматуваме.
3. Во свареното млеко ги додаваме пудинзите и матиме додека смесата добро се згусне.
4. Чоколадото за готвење го сечкаме на ситни парчиња, оставаме само еден ред за да ја украсиме тортата одозгора.
5. Маргаринот го матиме со миксер, ја додаваме изладената смеса со пудинзите, па матиме со миксер додека се добие хомогена смеса. Потоа го додаваме исечканото чоколадо и мешаме со лажица.
6. На плех редиме 4 реда со по 5 коцки бисквити, претходно потопени во млекото, па додаваме од кремот и премачкуваме.
7. Постапката ја повторуваме уште 3 пати, на крајот целата торта ја премачкуваме со преостанатиот крем и одозгора го рендаме преостанатото чоколадо. Тортата ја ставаме во фрижидер најмалку 2 часа, потоа сечеме на парчиња по желба.