Овој рецепт се подготвува за помалку од 80 минути

1. Брокулата и карфиолот се обаруваат во вода со сол и лимонов сок. Се цедат од водата, па се цепкаат на цветчиња и се редат во тава за печење подмачкана со масло.
2. Стековите се сечат на тенки ленти. На едниот крај од тавата се редат цветчиња карфиол, на другата страна цветчињата брокула, а во средината се става стекот.
3. За преливот, во длабок сад на оган се растопува маргарин, па во него запржуваме 3 лажици брашно. Кога убаво ќе замириса, се додава млеко и се вари со постојано мешање за да се разбијат грутките.
4. Потоа, во сосот се рендаат сирење и кашкавал и се додава иситнета зденка, се трга од оган.
5. Врз продуктите во тавата се наросува 1 лажица мешан зачин, па одозгора рамномерно се истура сосот.
6. Врз сосот рамномерно се наросуваат и лебни ронки.
7. Садот се става во рерна и се пече на 200 степени околу 1 час додека убаво зарумени.