За овој рецепт се потребни помалку од 50 минути

1. Изматете ги јајцата со шеќерот, па откако ќе добиете кремаста смеса и ќе се растопи шеќерот, додајте ги маслото и брашното измешано со печивото.
2. Чоколадото растопете го со слатката павлака во тенџере на тивок оган, па потоа додајте ги во претходно подготвената смеса.
3. Портокалите излупете ги, разделете ги на кришки и исчистете ги од кожичката да остане само пулпата и отстранете ги семките. Потоа исечете ги на помали парчиња и додајте ги во смесата.
4. Смесата претурете ја во тава со димензии 23 х 33 см и печете го колачот 30 минути во рерна претходно загреана на 180 степени.
5. Колачот исечете го на парчиња и послужете го прелиен со слатко од портокали и со топка сладолед.