За овој рецепт се потребни помалку од 50 минути

1. Парчињата убаво се чистат од мрснотијата и се ставаат да се варат со малку сол. Откако ќе се сварат џигерот, слезината и срцето се сечкаат на мали коцки.
2. На масло се пржи кромидот, се додаваат на коцки исечканите изнутрици, се зачинуваат и се додава полусварениот ориз.
3. Јагнешката марамица се сече на 5-6 парчиња (колку да обложат една мала длабока чинија во која ќе се виткаат).
4. Се става парче марамица во чинијата, се полни со филот, со краевите се покрива и се превртува сармата на раката, па се реди во плех или земјена тава. Постапката се повторува со сите парчиња.
5. Сармите се налеваат со 150 милилитри вода и се печат во рерна околу 30 минути. Се служат со таратур.