За овој рецепт се потребни помалку од 15 минути

1. Пресечете ги авокадата на коцкички и ставете ги во сад.
2. Исцедете го зелениот лимон во садот со авокадото, додајте ја солта и испасирајте ја смесата со помош на вилушка (можете да користите и блендер, но притоа внимавајте да не добиете премногу течна смеса).
3. Откако ќе завршите со пасирањето, додајте ги во садот сите преостанати состојки освен доматот и убаво промешајте.
4. Вака приготвената смеса можете да ја чувате во фрижидер, но не подолго од 2-3 часа.
5. Кога ќе дојде време за послужување, отстранете ги семките и течниот дел од доматот. Исечкајте го доматот на ситни парчиња и додајте го во претходно приготвената смеса и промешајте.
6. Послужете го гвакамоли сосот во мал длабок сад што ќе го ставите во средината на голема чинија со тортиља чипс (пченкарен чипс во форма на триаголник). За поголема разновидност, можете да додадете уште еден мал сад, овој пат со салса сос.