За подготовка на овој рецепт се потребни помалку од 40 минути

1. Во сад измешајте ги белото брашно со сода бикарбона, прашак за печиво, сол и шеќер. Измешајте и додајте го и пченкарното брашно.
2. Јајцето изматете го во друг сад со јогуртот, претходно варените зрна пченка, исечканите коријандер и млад кромид, сечканата чили пиперка (по желба) и маслото. Убаво соединете и промешајте ги со смесата од брашно.
3. Намастена тава ставете ја на силен оган. Кога ќе се загрее маслото, со поголема лажица земете дел од смесата и пржете ја од едната страна. Кога палачинката ќе добие убава, кафена боја, превртете ја и пржете ја од другата страна.
4. Постапката повторете ја додека не ја потрошите смесата, а готовите палачинки сервирајте ги со мед или со павлака по вкус.