За овој рецепт се потребни помалку од 25 минути

1. Во тава растопете го путерот и додајте го брашното, промешајте и полијте 3 дл вода, вино и слатка павлака. Додајте сол и гответе на умерена температура околу 5 минути.
2. Потоа додајте го сенфот, каперсите кои претходно по потреба малку ќе ги исечкате и свеж мелен бибер.
3. Во тенџере на оган ставете вода и откако ќе почне да врие, ставете ги јајцата и варете ги 6-8 минути. Бидете точни бидејќи жолчката треба да биде полусварена. Потоа исчистете ги од лушпата и преполовете ги.
4. Врелиот сос ставете го во соодветен сад и на површината ставете ги половините од јајцата. Послужете со пире од компир и со свежа салата.