За овој рецепт се потребни помалку од 60 минути

1. Измешајте ги двете шолји варено капучино со 210 мл млако млеко и оставете го настрана.
2. Рерната уклучете ја на 180 степени.
3. Во еден сад со миксер пенасто изматете ги  јајцата со шеќерот, па додајте го омекнатиот путер исечкан на коцки (претходно извадете го од фрижидер) и убаво матете.
4. Во смесата додајте ги брашното, печивото, капучиното измешано со млеко и на крај парченцата чоколадо (претходно исечете го со нож на ситни коцки) и убаво мешајте со лажица.
5. Во намастен и набрашнет калап претурете ја смесата и печете ја тортата во веќе загреаната рерна околу 40-45 минути. Проверувајте што се случува во рерната, боцнете ја тортата со стапче за да видите дали е готова, а потоа оставете ја да се олади 10-тина минути пред да ја послужите.
6. Декорирајте ја тортата со рендано чоколадо и какао.